Votre navigateur est obsolète.
Pour obtenir une meilleure expérience avec nos designs pour maison, veuillez télécharger d'autres navigateurs gratuitement. Cliquez simplement sur l'icône!
کبھی کبھی صرف بستر کی چادریں تبدیل کرنے اور تھوڑی سی آرائشی اشیاء بدلنا کافی نہیں ہوتا۔ آپ کا دل چاہتا ہے کہ آپ کا کمرہ بالکل تبدیل ہو جاۓ مگر آپ کی جیب اس بات کی اجازت نہیں دیتی۔ اور اکثر آپ کو اس کام کے لیے ماہرین کی مدد چاہیے ہوتی ہے۔
آج ہمارے ماہرین نے کچھ ایسے انداز آپ سے شیئر کۓ ہیں جن کی مدد سے آپ اپنی خوابگاہ میں معمولی تبدیلیاں کر کے اسے بالکل بدل سکتے ہیں۔ اور یہ آپ کی جیب پر بھی بہت زیادہ بھاری ثابت نہیں ہوں گے۔
دیکھیں صرف خوبصورت کشن کے اضافے اور ہیڈ ریسٹ کو بدل کر سادہ لکڑی کے تختے لگا دینے سے یہ بستر اب کتنا پر کشش لگ رہا ہے۔
اگر آپ کی خوابگاہ بڑی ہے تو پھر کسی ونٹیج فرنیچر کے ٹکڑے کا ضرور اضافہ کریں۔ اس سے کمرے کا انداز ایک دم بدل جاۓ گا۔
اس طرح کا انداز(چیسٹر فیلڈ) پہلے صرف صوفوں کے لیے ہی مشہور تھا مگر اب آپ اسے ہیڈ بورڈ کے طور پر ڈھیر سارے تکیوں کے ساتھ استعمال کریں۔ اس سے ایک دم بہت پر تعیش انداز ملے گا۔
غور کریں اس کمرے میں کس طرح مختلف سائز کی اشیاء سے یہ کمرہ اپنے اصل سائز سے بڑا اور چوڑا لگ رہا ہے۔
کہا جاتا ہے کہ تھوڑا ہی زیادہ ہوتا ہے
۔ اس خوابگاہ کو دیکھ کریہ بات سمجھ آ رہی ہے۔ سادہ پیٹرن والے وال پیپر، چھوٹے بستر اور میز کے علاوہ اس کمرے میں کسی بھی غیر ضروری چیز کا اضافہ نہیں کیا گیا۔
اگر آپ کو بھی گھنے جنگلوں کی ہریالی اور خوبصورتی پسند ہے تو پھر یہ وال پیپر آپ کے لیے بہت اچھا ہے۔ اس طرح کا وال پیپر سادے اور بور ترین کمرے میں بھی جان ڈال دے گا۔
اگر آپ کی خوابگاہ میں بھی کوئی اس طرز کی جگہ ہے تو اسے بستر رکھنے کے لیے استعمال کریں۔ اس طرح آپ کے کمرے کو بہت منفرد اور پر اسرار انداز مل جاۓ گا۔ اس طرح کے انداز خاص طور پر تیار بھی کرواۓ جا سکتے ہیں۔
تصوف سے جڑی اس طرح کی خوابگاہ ہمیشہ بہترین رہتی ہے اور آپ کے کمرے میں بہت تازگی بھرا احساس پیدا کرتی ہے۔
اگر آپ ڈریسنگ ایریا یا الماری کے لیے دروازوں کے بجاۓ تھوڑے مہنگے پردے استعمال کر لیں تو پھر تو آپ کے کمرے کا انداز بہت ہی پر تعیش ہو جاۓ گا۔
اس طرح کا انداز قدیم زمانے میں بہت ہی زیادہ مشہور تھا۔ آپ کا کمرہ بھی اس طرح سے پردے بستر کے گرد ڈالنے کے بعد الف لیلی کی داستان کا حصہ لگے گا۔
آپ بستر کے گرد پردوں کے بجاۓ سلائیڈنگ دروازوں کا بھی استعمال کر سکتے ہیں۔
آپ اپنی خوابگاہ کی دیوار پر اپنا پسندیدہ مقولہ بھی لکھ سکتے ہیں۔ اس کے علاوہ ادھر پھول اور ستارے بھی چپکا سکتے ہیں۔
اگر ہماری طرح آپ بھی کتابی کیڑا ہیں اور آپ کی کتابیں سارے گھر میں پھیلی ہوتی ہیں تو پھر تو یہ الماری آپ کے خوابوں کی جگہ ہے۔
آپ کا کمرہ آپ کے ذوق کا عکاس ہوتا ہے۔ کسی منفرد فرنیچر یا آرائشی اشیاء سے اپنے ذوق کا اظہار کریں۔
اپنی خوابگاہ کی سجاوٹ کے وقت اس جگہ کا مرکزی مقصد نہ بھولیں! یعنی آرام اور سکون اپنے کمرے کو اس طرح کا سجائیں جس میں آپ آرام دہ محسوس کریں۔
